ଶିଳ୍ପ ବିକାଶ କ୍ଷେତ୍ରରେ GO-EAST ନୀତି ନୂଆ ଆଶାର କିରଣ।

GO-EAST’ ର ଲକ୍ଷ୍ୟ ପୁଞ୍ଜିନିବେଶ ର ଆକର୍ଷଣ, ଶିଳ୍ପ ସ୍ଥାପନ ରେ ସହଜତା, ପଛୁଆ ଅଞ୍ଚଳର  ର ସନ୍ତୁଳିତ ବିକାଶ କୁ ସୁନିଶ୍ଚିତ କରିବା।

IPICOL ମଧ୍ୟରେ ଏକ ସ୍ୱତନ୍ତ୍ର GO-EAST cell।

ପ୍ରକଳ୍ପର ଅନୁମୋଦନ ଓ ପ୍ରଗତି ଉପରେ ରିୟଲ୍-ଟାଇମ୍ ନଜର ରଖିବା ପାଇଁ Go SWIFT ଡିଜିଟାଲ୍ ମଡ୍ୟୁଲ୍ ସ୍ଥାପନ କରାଯିବ। 

6 ଲକ୍ଷ୍ୟ ନିଯୁକ୍ତି ସୃଷ୍ଟି ହେବା ସମ୍ଭବନା ରହିଛି।

ଓଡ଼ିଶାର ନୂଆ ‘GO-EAST’ ନୀତି: ଶିଳ୍ପ ବିକାଶକୁ ନୂଆ ଗତି, ପଛୁଆ ଜିଲ୍ଲାକୁ ମିଳିବ ବିଶେଷ ପ୍ରୋତ୍ସାହନ।ଶିଳ୍ପ ସ୍ଥାପନ କୁ ସହଜ କରିବା 

ଓଡ଼ିଶା ସରକାର ରାଜ୍ୟର ଶିଳ୍ପ ବିକାଶକୁ ଆହୁରି ତ୍ୱରାନ୍ୱିତ କରିବା ପାଇଁ ‘GO-EAST’ (Government of Odisha – Eastern Investment Accelerator and Special Task Force) ନାମକ ଏକ ନୂତନ ପଦକ୍ଷେପ ଘୋଷଣା କରିଛନ୍ତି। ଏହା ସହିତ Industrial Policy Resolution (IPR)-2022ରେ ମଧ୍ୟ ଗୁରୁତ୍ୱପୂର୍ଣ୍ଣ ସଂଶୋଧନ କରାଯାଇଛି। ଏହି ଘୋଷଣାର ଉଦ୍ଦେଶ୍ୟ ହେଉଛି ରାଜ୍ୟରେ ଅଧିକ ପୁଞ୍ଜିନିବେଶ ଆକର୍ଷଣ କରିବା, ଶିଳ୍ପ ସ୍ଥାପନକୁ ସହଜ କରିବା ଏବଂ ପଛୁଆ ଅଞ୍ଚଳର ସନ୍ତୁଳିତ ବିକାଶ ସୁନିଶ୍ଚିତ କରିବା। 

ମୁଖ୍ୟମନ୍ତ୍ରୀ କହିଛନ୍ତି, GO-EAST ପ୍ଲାଟଫର୍ମ ପୂର୍ବ ଓ ଉତ୍ତର-ପୂର୍ବ ଭାରତର ଶିଳ୍ପପତିମାନଙ୍କୁ ଓଡ଼ିଶାରେ ନିବେଶ କରିବା ପାଇଁ ସହଜ ସୁବିଧା ଯୋଗାଇବ। ଏହା ଅଧୀନରେ ଏକ ଉଚ୍ଚସ୍ତରୀୟ Special Task Force, IPICOL ମଧ୍ୟରେ ଏକ ସ୍ୱତନ୍ତ୍ର GO-EAST Cell ଏବଂ ପ୍ରକଳ୍ପର ଅନୁମୋଦନ ଓ ପ୍ରଗତି ଉପରେ ରିୟଲ୍-ଟାଇମ୍ ନଜର ରଖିବା ପାଇଁ Go SWIFT ଡିଜିଟାଲ୍ ମଡ୍ୟୁଲ୍ ସ୍ଥାପନ କରାଯିବ। 

ସରକାର IPR-2022ରେ ସଂଶୋଧନ କରି ବଲାଙ୍ଗୀର, କଳାହାଣ୍ଡି, ନୂଆପଡ଼ା, କନ୍ଧମାଳ, ବୌଦ୍ଧ, ଗଜପତି ସମେତ ୧୫ଟି ଅର୍ଥନୈତିକ ଭାବେ ପଛୁଆ ଜିଲ୍ଲାକୁ ‘Thrust Sector’ ଶ୍ରେଣୀରେ ସାମିଲ କରିଛନ୍ତି। ଏହି ଜିଲ୍ଲାଗୁଡ଼ିକରେ ଖଣିଜ-ଭିତ୍ତିକ ଶିଳ୍ପ ବଦଳରେ ବସ୍ତ୍ର, ଖାଦ୍ୟ ପ୍ରକ୍ରିୟାକରଣ, ଇଞ୍ଜିନିୟରିଂ, ରସାୟନ, ଇଲେକ୍ଟ୍ରୋନିକ୍ସ ଓ ଅନ୍ୟାନ୍ୟ ମୂଲ୍ୟଯୁକ୍ତ ଉତ୍ପାଦନ ଶିଳ୍ପ ସ୍ଥାପନ ପାଇଁ ଅତିରିକ୍ତ ପ୍ରୋତ୍ସାହନ ଦିଆଯିବ। 

ମୁଖ୍ୟମନ୍ତ୍ରୀଙ୍କ କହିବାନୁସାରେ, ଜୁନ୍ ୨୦୨୪ ଠାରୁ ଏପର୍ଯ୍ୟନ୍ତ ଓଡ଼ିଶାରେ ପ୍ରାୟ ୯.୫ ଲକ୍ଷ କୋଟି ଟଙ୍କାର ୪୭୭ଟି ଶିଳ୍ପ ପ୍ରକଳ୍ପ ଅନୁମୋଦନ ପାଇଛି, ଯାହା ମାଧ୍ୟମରେ ପ୍ରାୟ ୬ ଲକ୍ଷ ରୋଜଗାର ସୃଷ୍ଟି ହେବାର ସମ୍ଭାବନା ରହିଛି। ସେଥିରୁ ୧୫୨ଟି ପ୍ରକଳ୍ପର କାର୍ଯ୍ୟ ଆରମ୍ଭ ହୋଇସାରିଛି। 

ସରକାରଙ୍କ ଲକ୍ଷ୍ୟ ହେଉଛି ଓଡ଼ିଶାକୁ କେବଳ ଖଣିଜ ଭିତ୍ତିକ ରାଜ୍ୟ ଭାବେ ନୁହେଁ, ବରଂ ଇସ୍ପାତ, ଆଲୁମିନିୟମ, ରସାୟନ, ପେଟ୍ରୋକେମିକାଲ୍, ସେମିକଣ୍ଡକ୍ଟର ଓ ଇଲେକ୍ଟ୍ରୋନିକ୍ସ ପରି ଭବିଷ୍ୟତମୁଖୀ ଶିଳ୍ପ କେନ୍ଦ୍ର ଭାବେ ଗଢ଼ି ତୋଳିବା। ଏହି ନୂଆ ନୀତି ମାଧ୍ୟମରେ ଓଡ଼ିଶାକୁ ପୂର୍ବ ଭାରତର ଅଗ୍ରଣୀ ଶିଳ୍ପ ହବ୍‌ରେ ପରିଣତ କରିବାକୁ ସରକାର ଆଶାବାଦୀ। 

Source:-The New Indian Express, Business standard।