ସଡ଼କ ଦୁର୍ଘଟଣାରେ ପୀଡ଼ିତ ଲୋକଙ୍କୁ ଶୀଘ୍ର କ୍ଷତିପୂରଣ ମିଳିବା ସହ ବୀମାବିହୀନ ଯାନ ସଂଖ୍ୟା କମାଇବା ଲକ୍ଷ୍ୟରେ ସୁପ୍ରିମକୋର୍ଟ ଏକ ଗୁରୁତ୍ୱପୂର୍ଣ୍ଣ ରାୟ ଦେଇଛନ୍ତି। ଏହି ରାୟ ଅନୁସାରେ ଏବେଠାରୁ ନୂଆ କାର କିଣିବା ସମୟରେ ୪ ବର୍ଷ ପାଇଁ ଏବଂ ନୂଆ ମୋଟରସାଇକେଲ୍ କିମ୍ବା ସ୍କୁଟର କିଣିବା ସମୟରେ ୬ ବର୍ଷ ପାଇଁ ଥର୍ଡ ପାର୍ଟି ବୀମା ନେବା ବାଧ୍ୟତାମୂଳକ ହେବ ବୋଲି ରିପୋର୍ଟ ପ୍ରକାଶ ପାଇଛି।                                                                            ପ୍ରକାଶିତ ରିପୋର୍ଟ ଆଧାରରେ  ଏହା ପୂର୍ବରୁ ୨୦୧୮ ମସିହାରେ ସୁପ୍ରିମକୋର୍ଟଙ୍କ ନିର୍ଦ୍ଦେଶ ଅନୁସାରେ ନୂଆ କାର ପାଇଁ ୩ ବର୍ଷ ଏବଂ ଦୁଇଚକିଆ ଯାନ ପାଇଁ ୫ ବର୍ଷର ଥର୍ଡ ପାର୍ଟି ବୀମା ବାଧ୍ୟତାମୂଳକ କରାଯାଇଥିଲା। ତେବେ ବର୍ଷ ବିତିଯାଇଥିଲେ ମଧ୍ୟ ବହୁ ଯାନ ବୀମା ବିନା ଚଳାଚଳ କରୁଥିବାରୁ ସର୍ବୋଚ୍ଚ ଅଦାଲତ ବୀମାର ଅବଧି ବଢ଼ାଇବାକୁ ଉଚିତ ମନେ କରିଛନ୍ତି। ନ୍ୟାୟମୂର୍ତ୍ତି ସଞ୍ଜୟ କରୋଲ ଏବଂ ନ୍ୟାୟମୂର୍ତ୍ତି ଅଗଷ୍ଟିନ୍ ଜର୍ଜ ମାସିହଙ୍କ ଖଣ୍ଡପୀଠ କହିଛନ...