ଭୁବନେଶ୍ୱରରେ ବଢ଼ୁଥିବା ଟ୍ରାଫିକ୍ ସମସ୍ୟାର ସମାଧାନ ଓ ଯାତାୟାତକୁ ଅଧିକ ସୁଗମ କରିବା ଉଦ୍ଦେଶ୍ୟରେ ଓଡ଼ିଶା ମନ୍ତ୍ରିମଣ୍ଡଳ ଜୟଦେବ ବିହାର–ନନ୍ଦନକାନନ ସଡ଼କ କରିଡରର ଉନ୍ନତି ପାଇଁ ୫୭୯ କୋଟି ଟଙ୍କାର ପ୍ରକଳ୍ପକୁ ଅନୁମୋଦନ କରିଛି। ଏହି ପ୍ରକଳ୍ପ ଅଧୀନରେ କଳିଙ୍ଗ ଷ୍ଟାଡିୟମ୍‌ ଗେଟ୍‌ ନଂ–୪ ଠାରୁ ରଘୁନାଥପୁର ବ୍ରିଜ୍‌ ପର୍ଯ୍ୟନ୍ତ ପ୍ରାୟ ୯.୫ କିଲୋମିଟର ସଡ଼କର ବ୍ୟାପକ ଉନ୍ନତି କରାଯିବ ବୋଲି ରିପୋର୍ଟ ପ୍ରକାଶିତ ହୋଇଛି | ପ୍ରକାଶିତ ରିପୋର୍ଟ ଅନୁସାରେ :-  ଜୟଦେବ ବିହାର, କଳିଙ୍ଗ ହସ୍ପିଟାଲ ଛକ, ଦମଣା ଛକ ଓ କିଟ୍‌ ଛକରେ ଫ୍ଲାଏଓଭର, ଜୟଦେବ ବିହାରରେ କେବଲ୍‌-ଷ୍ଟେ ବ୍ରିଜ୍‌, ସର୍ଭିସ୍‌ ରୋଡ୍‌, ପଦଯାତ୍ରୀ ସବୱେ, ଡ୍ରେନେଜ୍‌, ଆଲୋକୀକରଣ ଓ ସୌନ୍ଦର୍ଯ୍ୟକରଣ ଭଳି ବ୍ୟବସ୍ଥା କରାଯିବ। ଏହି କରିଡର ନିର୍ମାଣ ହେଲେ ଭୁବନେଶ୍ୱର–କଟକ ସଂଯୋଗ ଅଧିକ ସୁଦୃଢ଼ ହେବା ସହ ଟ୍ରାଫିକ୍ ଜାମ୍‌ କମିବ ଏବଂ ଯାତ୍ରୀମାନେ ଦ୍ରୁତ ଓ ସୁରକ୍ଷିତ ଯାତାୟାତ ସୁବିଧା ପାଇପାରିବେ। ଏହି ପ୍ରକଳ୍ପକୁ ଟର୍ନକି ଭିତ୍ତିରେ ୨୪ ମାସ ମଧ୍ୟରେ ସମ୍ପୂର୍ଣ୍ଣ କରିବା ଲକ୍ଷ୍ୟ ରଖାଯାଇଛି। ଏଥିସହ ପ୍ରକଳ୍ପରେ ୧୦ ବର୍ଷର ରକ୍ଷଣାବେକ୍ଷଣ ଓ ବୃକ୍ଷରୋପଣର ବ୍ୟବସ୍ଥା ମଧ୍ୟ ରହିଛି। Sou...