Published by: Greatfuture Info ଭୁବନେଶ୍ୱର, ୩୧ ଅଗଷ୍ଟ:  ଆଗାମୀ ପଞ୍ଚାୟତ ଓ ପୌର ନିର୍ବାଚନକୁ ସ୍ୱଚ୍ଛ, ନିର୍ବୁଲ ଓ ସୁବ୍ୟବସ୍ଥିତ କରିବା ଲକ୍ଷ୍ୟରେ ଭୋଟର ତାଲିକାରେ ଥିବା ତ୍ରୁଟି ସୁଧାରିବା ପାଇଁ ରାଜ୍ୟ ନିର୍ବାଚନ ଆୟୋଗ ପକ୍ଷରୁ ଏକ ସ୍ୱତନ୍ତ୍ର ସର୍ଭେ ଅଭିଯାନ ଆରମ୍ଭ କରାଯାଉଛି। ଏହି ଅଭିଯାନର ପାଇଲଟ୍ ପ୍ରକଳ୍ପ ଭୁବନେଶ୍ୱର ମହାନଗର ନିଗମ ଅଞ୍ଚଳରେ ସେପ୍ଟେମ୍ବର ୩ରୁ ୧୧ ତାରିଖ ପର୍ଯ୍ୟନ୍ତ କରାଯିବ। ପାଇଲଟ୍ ସର୍ଭେ ଅଧୀନରେ ଭୁବନେଶ୍ୱରର ତିନିଟି ବିଧାନସଭା କ୍ଷେତ୍ରର ତିନିଟି ୱାର୍ଡରେ ଘରକୁ ଘର ସର୍ଭେ କରାଯିବ। ଏଥିରେ ଭୁବନେଶ୍ୱର-ଉତ୍ତର ବିଧାନସଭା କ୍ଷେତ୍ରର ୱାର୍ଡ ନମ୍ବର ୧୦, ଭୁବନେଶ୍ୱର-ମଧ୍ୟ ବିଧାନସଭା କ୍ଷେତ୍ରର ୱାର୍ଡ ନମ୍ବର ୩୫ ଏବଂ ଭୁବନେଶ୍ୱର-ଏକାମ୍ର ବିଧାନସଭା କ୍ଷେତ୍ରର ୱାର୍ଡ ନମ୍ବର ୫୨ ସାମିଲ ରହିଛି। ପାଇଲଟ୍ ସର୍ଭେର ଅଭିଜ୍ଞତା ଆଧାରରେ ଆସନ୍ତା ଅକ୍ଟୋବର ୨୬ରୁ ନଭେମ୍ବର ୭ ତାରିଖ ପର୍ଯ୍ୟନ୍ତ ସମଗ୍ର ରାଜ୍ୟରେ ଘରକୁ ଘର ସର୍ଭେ କରାଯିବ। ଏହି ସର୍ଭେ ମାଧ୍ୟମରେ ପଞ୍ଚାୟତ ଓ ପୌରାଞ୍ଚଳର ନିର୍ବାଚନ କ୍ଷେତ୍ରଗୁଡ଼ିକର ଭୋଟର ତାଲିକାକୁ ଅଧିକ ନିର୍ଭୁଲ ଓ ସୁବ୍ୟବସ୍ଥିତ କରିବାକୁ ଲକ୍ଷ୍ୟ ରଖାଯାଇଛି। ରାଜ୍ୟ ନିର୍ବାଚନ ଆୟୋଗଙ୍କ ଅନୁସାରେ, ବର୍ତ୍ତମାନ ଗୋଟିଏ ପରିବାରର ସଦସ୍ୟମାନେ ଭିନ୍ନ ଭିନ୍ନ ବୁଥ୍‌ରେ ସାମିଲ ହୋଇଥିବା ଭଳି ସମସ୍ୟା ଦେଖାଦେଉଛି। ଏହା ସହିତ କେତେକ ସ୍ଥାନରେ ଘର ନମ୍ବର ...

Published by: Greatfuture Info ଭୁବନେଶ୍ୱର, ୩୦.୦୮.୨୦୨୬: ମୁଖ୍ୟ ଶାସନ ସଚିବ ଅନୁ ଗର୍ଗ ବିଭିନ୍ନ ସାମାଜିକ କ୍ଷେତ୍ରର ସମୀକ୍ଷା କରି ତଥ୍ୟଭିତ୍ତିକ ଅନୁଧ୍ୟାନ, ବିଭାଗୀୟ ସମନ୍ୱୟ ଓ ନିରନ୍ତର ତଦାରଖକୁ ଅଧିକ ସୁଦୃଢ଼ କରିବାକୁ ଆହ୍ୱାନ ଦେଇଛନ୍ତି । ଲୋକସେବା ଭବନଠାରେ ଅନୁଷ୍ଠିତ  ‘ପ୍ରୟାସ’ ବୈଠକରେ ବିଦ୍ୟାଳୟ ଓ ଗଣଶିକ୍ଷା ବିଭାଗ,  ସ୍ୱାସ୍ଥ୍ୟ ଓ ପରିବାର କଲ୍ୟାଣ ବିଭାଗ, ମହିଳା ଓ ଶିଶୁ ବିକାଶ ବିଭାଗ ସଂପର୍କିତ  ବିଭିନ୍ନ ସୂଚକର ସମୀକ୍ଷା କରାଯାଇଛି । ତଥ୍ୟଭିତ୍ତିକ ସମୀକ୍ଷା ସହ ଜିଲ୍ଲାସ୍ତରରେ ଚିହ୍ନଟ ହୋଇଥିବା ସମସ୍ୟାର  ସମାଧାନ ଓ ନିରନ୍ତର ଅନୁଧ୍ୟାନ ଉପରେ ଗୁରୁତ୍ୱ ଦିଆଯାଇଛି  ।   ବୈଠକରେ ମହିଳା ଓ ଶିଶୁ ବିକାଶ ବିଭାଗର ସମୀକ୍ଷାରେ ଶିଶୁ ଓ ମାତୃ ପୋଷଣକୁ ଅଧିକ ପ୍ରଭାବୀ କରିବା ଉପରେ ଗୁରୁତ୍ୱ ଦିଆଯାଇଛି । ଖାଦ୍ୟର ପରିମାଣ ସହିତ ପୃଷ୍ଟିସାର, ସ୍ନେହସାର  ଓ ବିଭିନ୍ନ ପୋଷକତତ୍ତ୍ୱର ସମନ୍ୱୟ ମାଧ୍ୟମରେ ପରିବାରସ୍ତରରେ ପୋଷଣ ସୁରକ୍ଷା ସୁନିଶ୍ଚିତ କରିବାକୁ ଗୁରୁତ୍ୱ ଦିଆଯାଇଛି । ପୋଷଣ-ବଗିଚା, ଘରୋଇ ପନିପରିବା ଓ ଫଳ ଚାଷ, ଚାରା ବଣ୍ଟନ ଏବଂ ସ୍ୱୟଂ ସହାୟକ ଗୋଷ୍ଠୀ ମାଧ୍ୟମରେ ତାଜା ପନିପରିବା ଯୋଗାଣକୁ ବିଭିନ୍ନ ବିଭାଗର ସମନ୍ୱିତ ପ୍ରୟାସରେ କରାଯିବାକୁ ବୈଠକରେ ଗୁରୁତ୍ୱ ଦିଆଯାଇଛି  । ରାଜ୍ୟରେ  ଅଙ୍ଗନବାଡ଼ି କେନ୍ଦ୍ରଗୁଡ...

Published by: Greatfuture Info ଭୁବନେଶ୍ୱର, ୧୭ ଅଗଷ୍ଟ ୨୦୨୬: ଓଡ଼ିଶାର କ୍ରୀଡ଼ା ଇତିହାସରେ ଏକ ନୂଆ ଅଧ୍ୟାୟ ଯୋଡ଼ିବାକୁ ଯାଉଛି। ଆସନ୍ତା ଅଗଷ୍ଟ ୨୨ ତାରିଖରେ ଭୁବନେଶ୍ୱରର ପ୍ରସିଦ୍ଧ କଳିଙ୍ଗ ଷ୍ଟାଡିୟମରେ ପ୍ରସିଦ୍ଧ 'ୱାର୍ଲ୍ଡ ଆଥଲେଟିକ୍ସ କଣ୍ଟିନେଣ୍ଟାଲ୍ ଟୁର ସିଲଭର୍ ମିଟ୍' ଅନୁଷ୍ଠିତ ହେବ। ଓଡ଼ିଶା ସରକାରଙ୍କ କ୍ରୀଡ଼ା ଓ ଯୁବସେବା ବିଭାଗ, ଭାରତୀୟ ଆଥଲେଟିକ୍ସ ମହାସଂଘ (AFI) ଏବଂ ୱାର୍ଲ୍ଡ ଆଥଲେଟିକ୍ସର ମିଳିତ ସହଯୋଗରେ ଏହି ବିଶାଳ ପ୍ରତିଯୋଗିତା ଆୟୋଜିତ ହେଉଛି। ଗତବର୍ଷ ଏହା ବ୍ରୋଞ୍ଜ ସ୍ତରର ହୋଇଥିବା ବେଳେ, ଏଥର ଏହାକୁ ସିଲଭର୍ ସ୍ତରକୁ ଉନ୍ନୀତ କରାଯାଇଛି। ୨୦୨୮ ମସିହାରେ କଳିଙ୍ଗ ଷ୍ଟାଡିୟମରେ ହେବାକୁ ଥିବା ବିଶ୍ୱ ଏବଂ ଏସୀୟ ଇନଡୋର ଆଥଲେଟିକ୍ସ ଚାମ୍ପିୟନସିପ୍ ପାଇଁ ଏହା ଏକ ପ୍ରମୁଖ ପ୍ରସ୍ତୁତି ପର୍ଯ୍ୟାୟ। ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ନେତୃତ୍ୱରେ ଓଡ଼ିଶା ଆଜି ଦେଶକୁ କ୍ରୀଡ଼ା କ୍ଷେତ୍ରରେ ଆଗକୁ ନେବାରେ ପ୍ରମୁଖ ଭୂମିକା ଗ୍ରହଣ କରିଛି। ଏହି ଦିନିକିଆ ବିଶ୍ୱସ୍ତରୀୟ ପ୍ରତିଯୋଗିତାରେ ୨୭ ଟି ଦେଶରୁ ମୋଟ ୧୮୮ ଜଣ ଆଥଲେଟ୍ ଅଂଶଗ୍ରହଣ କରିବେ। ଏଥିମଧ୍ୟରେ ୯୯ ଜଣ ବିଦେଶୀ ଖେଳାଳିଙ୍କ ସହ ୮୮ ଜଣ ଭାରତୀୟ ଆଥଲେଟ୍ ନିଜର ପ୍ରତିଭା ଦେଖାଇବାର ସୁଯୋଗ ପାଇବେ। ଶ୍ରୀଲଙ୍କା, ଦକ୍ଷିଣ ଆଫ୍ରିକା ଏବଂ ବ୍ରାଜିଲ ଭଳି ଦେଶରୁ ବଡ଼ ଦଳ ଏହି ମିଟ୍‌ରେ ଭାଗ ନେଉଛନ୍ତି। ଏହି ପ୍ରତିଯୋଗିତାରେ ପୁରୁଷ ...

 Published by: Greatfuture Info ଭୁବନେଶ୍ୱର, ୭ ଅଗଷ୍ଟ ୨୦୨୬: ରାଜ୍ୟ ସରକାରଙ୍କ ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ଦ୍ୱାରା ଆୟୋଜିତ ଦ୍ୱାଦଶ ଜାତୀୟ ହସ୍ତତନ୍ତ ଦିବସ ୭ ଅଗଷ୍ଟ ୨୦୨୬ ରେ ଭୁବନେଶ୍ୱରର ଇଡକୋ ପ୍ରଦର୍ଶନୀ ପଡ଼ିଆଠାରେ ପାଳିତ ହୋଇଯାଇଛି। ଏହା ରାଜ୍ୟର ସମୃଦ୍ଧ ହସ୍ତତନ୍ତ ଐତିହ୍ୟକୁ ସୁରକ୍ଷିତ ରଖିବା, ବୁଣାକାର ସମ୍ପ୍ରଦାୟର ଜୀବିକାକୁ ସୁଦୃଢ଼ କରିବା ସହ ହସ୍ତତନ୍ତ କ୍ଷେତ୍ରରେ ନୂତନତା, ପ୍ରଯୁକ୍ତିବିଦ୍ୟା ଏବଂ ସ୍ଥାୟୀ ବିକାଶକୁ ପ୍ରୋତ୍ସାହିତ କରିବା ପାଇଁ ସରକାରଙ୍କ ପ୍ରତିବଦ୍ଧତାକୁ ପୁନଃନିର୍ମାଣ କରିଛି। ଏହି ଉଦ୍‌ଘାଟନୀ ସମାରୋହରେ ମୁଖ୍ୟ ଅତିଥି ଭାବରେ ଓଡ଼ିଶାର ରାଜ୍ୟପାଳ ଡ. ହରି ବାବୁ କମ୍ଭମପାଟି ଯୋଗଦେଇଥିବା ବେଳେ ସମବାୟ, ହସ୍ତତନ୍ତ, ବୟନ ଓ ହସ୍ତଶିଳ୍ପ ମନ୍ତ୍ରୀ, ଓଡ଼ିଶା ପ୍ରଦିପ ବଳ ସାମନ୍ତ ; କମିଶନର-ତଥା-ଶାସନ ସଚିବ, ହସ୍ତତନ୍ତ, ବୟନ ଓ ହସ୍ତଶିଳ୍ପ ବିଭାଗ ଗୁହା ପୁନମ ତାପସ କୁମାର (ଭା.ପ୍ର.ସେ.); ବରିଷ୍ଠ ବିଭାଗୀୟ ଅଧିକାରୀ; ମାଷ୍ଟର ବୁଣାକାର; ଡିଜାଇନର; ପୁରସ୍କାରପ୍ରାପ୍ତ ବ୍ୟକ୍ତିବିଶେଷ; ବୁଣାକାର ସମବାୟ ସମିତିର ପ୍ରତିନିଧି; ଅନୁଷ୍ଠାନ; ଶିଳ୍ପ ଅଂଶୀଦାର, ଉଦ୍ୟୋଗୀ ଏବଂ ହସ୍ତତନ୍ତ ଓ ବୟନ କ୍ଷେତ୍ରର ଅନ୍ୟାନ୍ୟ ସମ୍ମାନିତ ଅତିଥି ମଧ୍ୟ ଯୋଗଦାନ କରିଛନ୍ତି। ଭିତ୍ତିପ୍ରସ୍ତର ସ୍ଥାପନ ଓ ଶୁଭ ଉଦଘାଟନ କାର୍ଯ୍ୟକ୍ରମର ଅଂଶ ଭାବରେ, ଓଡ଼ିଶାର ରାଜ୍ୟପାଳଙ୍କ...

ଉଚ୍ଚଶିକ୍ଷା ପ୍ରତିଷ୍ଠାନରେ ଛାତ୍ରଛାତ୍ରୀଙ୍କ ସୁରକ୍ଷା ଓ ଶୃଙ୍ଖଳାକୁ ଆହୁରି ସୁଦୃଢ଼ କରିବା ଲକ୍ଷ୍ୟରେ ଓଡ଼ିଶା ସରକାର ବଡ଼ ପଦକ୍ଷେପ ନେଇଛନ୍ତି। ପ୍ରଥମ ପର୍ଯ୍ୟାୟରେ ରାଜ୍ୟର ୪ଟି ସରକାରୀ ବିଶ୍ୱବିଦ୍ୟାଳୟରେ ଅତ୍ୟାଧୁନିକ ସିସିଟିଭି ଭିଡିଓ ନଜରଦାରି ବ୍ୟବସ୍ଥା ସ୍ଥାପନ କରାଯିବ। ଏହା ମାଧ୍ୟମରେ କ୍ୟାମ୍ପସର ପ୍ରତ୍ୟେକ ଗୁରୁତ୍ୱପୂର୍ଣ୍ଣ ସ୍ଥାନ ଉପରେ ନିରନ୍ତର ନଜର ରଖାଯିବ ବୋଲି ରିପୋର୍ଟ ପ୍ରକଶ ପାଇଛି। ପ୍ରକାଶିତ ରିପୋର୍ଟ ଅନୁସାରେ :- ଏହି ପର୍ଯ୍ୟାୟରେ ଭୁବନେଶ୍ୱରର ଉତ୍କଳ ବିଶ୍ୱବିଦ୍ୟାଳୟ ଓ ରମାଦେବୀ ମହିଳା ବିଶ୍ୱବିଦ୍ୟାଳୟ, ସମ୍ବଲପୁର ବିଶ୍ୱବିଦ୍ୟାଳୟ ଏବଂ କଳାହାଣ୍ଡିର ମା' ମାଣିକେଶ୍ୱରୀ ବିଶ୍ୱବିଦ୍ୟାଳୟକୁ ସାମିଲ କରାଯାଇଛି। ଏହି ଚାରିଟି ପ୍ରତିଷ୍ଠାନରେ ମୋଟ ୩,୧୪୬ଟି ସିସିଟିଭି କ୍ୟାମେରା ସ୍ଥାପନ ହେବ। ସେଥିରେ ୧,୬୦୮ଟି ବୁଲେଟ କ୍ୟାମେରା, ୧,୫୧୪ଟି ଡୋମ୍ କ୍ୟାମେରା ଓ ୨୪ଟି ପିଟିଜେ (PTZ) କ୍ୟାମେରା ରହିବ। ଉତ୍କଳ ବିଶ୍ୱବିଦ୍ୟାଳୟରେ ସର୍ବାଧିକ ୯୧୦ଟି ବୁଲେଟ କ୍ୟାମେରା, ୭୧୬ଟି ଡୋମ୍ କ୍ୟାମେରା ଓ ୧୦ଟି ପିଟିଜେ କ୍ୟାମେରା ସ୍ଥାପନ କରାଯିବ। ସମ୍ବଲପୁର ବିଶ୍ୱବିଦ୍ୟାଳୟରେ ୩୨୫ଟି ବୁଲେଟ, ୩୭୭ଟି ଡୋମ୍ ଏବଂ ୪ଟି ପିଟିଜେ କ୍ୟାମେରା ଲାଗିବ। ମା' ମାଣିକେଶ୍ୱରୀ ବିଶ୍ୱବିଦ୍ୟାଳୟରେ ୨୪୩ଟି ବୁଲେଟ, ୩୪୬ଟି ଡୋମ୍ ଓ ୭ଟି ପିଟିଜେ କ୍ୟାମେରା ସ୍ଥାପନ ହେବ। ରମାଦେବୀ ମହିଳା ବିଶ୍ୱବ...

ଓଡ଼ିଶାରେ ସ୍ପେଶାଲ୍ ଇଣ୍ଟେନସିଭ ରିଭିଜନ୍ (SIR)  ଭୋଟର ତାଲିକା ସଂଶୋଧନ ପ୍ରକ୍ରିୟା ଶେଷ ହେବା ପରେ ରାଜ୍ୟର ପ୍ରାରମ୍ଭିକ ଭୋଟର ତାଲିକା ପ୍ରକାଶ କରିଛନ୍ତି ଭାରତର ନିର୍ବାଚନ ଆୟୋଗ। ଏହି ସଂଶୋଧନ ପ୍ରକ୍ରିୟାରେ ୨୦ ଲକ୍ଷରୁ ଅଧିକ ନାମ ଭୋଟର ତାଲିକାରୁ ବାଦ ପଡ଼ିଥିବା ସୂଚନା ମିଳିଛି।ବୋଲି ସୂତ୍ର ଆଧାରିତ ରିପୋର୍ଟ ପ୍ରକାଶ ପାଇଛି।                                                            ହୋଇଥିବା ଯାଞ୍ଚ ଏବଂ ନାମାଙ୍କନ ସତ୍ୟତା ଯାଞ୍ଚ ପରେ ମୋଟ ୨୦ ଲକ୍ଷରୁ ଅଧିକ ଭୋଟରଙ୍କ ନାମ ପ୍ରାରମ୍ଭିକ ତାଲିକାରୁ ବାଦ ଦିଆଯାଇଛି। ତେବେ ଏହି ନାମ ବାଦ ହେବାର ଅର୍ଥ ସମ୍ପୂର୍ଣ ଭାବେ ଭୋଟର ଅଧିକାର ହରାଇବା ନୁହେଁ। ନିର୍ଦ୍ଧାରିତ ସମୟ ମଧ୍ୟରେ ଦାବି ଓ ଆପତ୍ତି ଦାଖଲ କରି ସଂଶୋଧନ କରିବାର ସୁଯୋଗ ରହିଛି। ପ୍ରକାଶିତ ରିପୋର୍ଟ ତଥ୍ୟ ଅନୁସାରେ, ୮.୩୨ ଲକ୍ଷ ନାମ ମୃତ ଭୋଟରଙ୍କ, ୧୦.୦୭ ଲକ୍ଷ ନାମ ସ୍ଥାନାନ୍ତରିତ କିମ୍ବା ଯାଞ୍ଚ ବେଳେ ଅନୁପସ୍ଥିତ ଥିବା ବ୍ୟକ୍ତିଙ୍କ, ଏବଂ ୧.୫୮ ଲକ୍ଷ ନାମ ଏକାଧିକ ସ୍ଥାନରେ ପଞ୍ଜୀକୃତ ଥିବାରୁ ବାଦ କରାଯାଇଛି। ଏହା ଛଡ଼ା କିଛି ମାମଲାରେ ଆବଶ୍ୟକ ଦସ୍...

                                                         ସରକାରୀ ଫାଇଲର ସାଧାରଣ ଗତିବିଧି କିମ୍ବା ଅଫିସିଆଲ୍ ପ୍ରକ୍ରିୟାକୁ ଆଇନଗତ ସମୟସୀମା ଉଲ୍ଲଂଘନର ଯଥେଷ୍ଟ କାରଣ ବୋଲି ଗ୍ରହଣ କରାଯାଇପାରିବ ନାହିଁ ବୋଲି ସ୍ପଷ୍ଟ କରିଛନ୍ତି ଓଡ଼ିଶା ହାଇକୋର୍ଟ। ଏହି ମାମଲାରେ ନିର୍ଦ୍ଧାରିତ ସମୟସୀମାଠାରୁ ୩୩୩ ଦିନ ବିଳମ୍ବରେ ଅପିଲ୍ ଦାଖଲ କରିଥିବାରୁ ରାଜ୍ୟ ସରକାରଙ୍କ ଉପରେ ୧ ଲକ୍ଷ ଟଙ୍କାର ଜରିମାନା ଲାଗୁ କରିବା ସହ ଅପିଲକୁ ଖାରଜ କରିଦେଇଛନ୍ତି ହାଇକୋର୍ଟ ବୋଲି ପ୍ରକାଶିତ ରିପୋର୍ଟ ରେ ଦର୍ଶାଯାଇଛି | ଅଦାଲତ କହିଛନ୍ତି ଯେ, ସରକାର ସମୟ ଅତିକ୍ରମ ହେବାର କୌଣସି ବିଶ୍ୱସନୀୟ ଓ ଆଇନସମ୍ମତ କାରଣ ଦର୍ଶାଇ ପାରିନାହାନ୍ତି। ତେଣୁ ବିଳମ୍ବକୁ କ୍ଷମା କରିବାର ପ୍ରଶ୍ନ ଉଠୁନାହିଁ।  ଏହି ମାମଲା ଅବସରପ୍ରାପ୍ତ ଏନଏମଆର୍  କର୍ମଚାରୀ ଙ୍କ ସହ ସମ୍ପର୍କିତ। ସେ ୧୯୮୦ ମସିହାରୁ ଗ୍ରାମୀଣ ଜଳ ଯୋଗାଣ ଓ ପରିମଳ ବିଭାଗରେ ଫିଟର୍ ମେକାନିକ୍ ଭାବେ ୪୧ ବର୍ଷରୁ ଅଧିକ ସମୟ କାର୍ଯ୍ୟ କରିଥିଲେ। ପରେ ସେ ଜାଣିବାକୁ ପାଇଥିଲେ ଯେ ତାଙ୍କଠାରୁ କନିଷ୍ଠ କର୍ମଚାରୀଙ୍କ ସେବା ନିୟମିତ ହୋଇଥିବାବେଳେ ତାଙ୍...

                                                                       ( AI generated photo)  ଓଡ଼ିଶାର କୃଷି କ୍ଷେତ୍ରକୁ ଆଧୁନିକ, ଲାଭଜନକ ଓ ଆତ୍ମନିର୍ଭର କରିବା ଦିଗରେ ରାଜ୍ୟ ସରକାର ଆଉ ଏକ ବଡ଼ ପଦକ୍ଷେପ ନେଇଛନ୍ତି। ରାଜ୍ୟର କୃଷି ଓ କୃଷକ ସଶକ୍ତିକରଣ ବିଭାଗ ୨୦୨୬–୨୭ ଆର୍ଥିକ ବର୍ଷ ପାଇଁ ଚାରିଟି ପ୍ରମୁଖ ରାଜ୍ୟ ସରକାରୀ ନିଗମ ସହ ବୁଝାମଣାପତ୍ର (MoU) ସ୍ୱାକ୍ଷର କରିଛି। ଏହି ଚୁକ୍ତିନାମା ମାଧ୍ୟମରେ ବିହନ ଉତ୍ପାଦନ, କୃଷି ଯନ୍ତ୍ରୀକରଣ, ଜଳସେଚନ ସୁବିଧା ବିସ୍ତାର, ବଗିଚା ଚାଷର ପ୍ରୋତ୍ସାହନ ଏବଂ କୃଷି ଉଦ୍ୟୋଗ ସୃଷ୍ଟିକୁ ଗତି ଦେବା ଲକ୍ଷ୍ୟ ରଖାଯାଇଛି ବୋଲି ରିପୋର୍ଟ ରେ ପ୍ରକାଶିତ ହୋଇଛି | ପ୍ରକାଶିତ ରିପୋର୍ଟ ଅନୁସାରେ  ଏହି ଚୁକ୍ତିନାମାଗୁଡ଼ିକ ଓଡ଼ିଶା ଆଗ୍ରୋ ଇଣ୍ଡଷ୍ଟ୍ରିଜ୍ କର୍ପୋରେସନ (OAIC), ଆପିକଲ୍ (APICOL), ଓଡ଼ିଶା ରାଜ୍ୟ ବିହନ ନିଗମ (OSSC) ଏବଂ ଓଡ଼ିଶା ରାଜ୍ୟ କାଜୁ ବିକାଶ ନିଗମ (OSCDC) ସହ ସ୍ୱାକ୍ଷର କରାଯାଇଛି। ପ୍ରତ୍ୟେକ ନିଗମ ପାଇଁ ନିର୍ଦ୍ଦିଷ୍ଟ ବାର...

                                      ଓଡ଼ିଶା ମନ୍ତ୍ରିମଣ୍ଡଳ ଚଳିତ ୨୦୨୬–୨୭ ଶିକ୍ଷାବର୍ଷରୁ ରାଜ୍ୟର ସରକାରୀ ଓ ସରକାରୀ ଅନୁଦାନପ୍ରାପ୍ତ ଶିକ୍ଷାନୁଷ୍ଠାନରେ KG ରୁ PG ପର୍ଯ୍ୟନ୍ତ ମାଗଣା ଶିକ୍ଷା ପ୍ରଦାନ ପାଇଁ ‘ଜ୍ଞାନୋଦୟ–ଶିକ୍ଷା ସମୃଦ୍ଧି’ ଯୋଜନାକୁ ଅନୁମୋଦନ କରିଛି। ମୁଖ୍ୟମନ୍ତ୍ରୀ ଏହାକୁ ରାଜ୍ୟର ଶିକ୍ଷା କ୍ଷେତ୍ରରେ ଏକ ଐତିହାସିକ ପଦକ୍ଷେପ ବୋଲି ବୋଲି ରିପୋର୍ଟ ପ୍ରକାଶିତ ହୋଇଛି | ପ୍ରକାଶିତ ରିପୋର୍ଟ ଅନୁସାରେ :- ଏହି ଯୋଜନା ଅନୁଯାୟୀ ସରକାରୀ ଏବଂ ସରକାରୀ ଅନୁଦାନପ୍ରାପ୍ତ ବିଦ୍ୟାଳୟ, ମହାବିଦ୍ୟାଳୟ ଓ ରାଜ୍ୟ ସରକାରୀ ବିଶ୍ୱବିଦ୍ୟାଳୟରେ ନିୟମିତ ପାଠ୍ୟକ୍ରମରେ ଅଧ୍ୟୟନରତ ଯୋଗ୍ୟ ଛାତ୍ରଛାତ୍ରୀଙ୍କର ଭର୍ତ୍ତି ଶୁଳ୍କ ସମ୍ପୂର୍ଣ୍ଣ ମାଫ କରାଯିବ। ଶ୍ରେଣୀ ୯ରୁ ୧୨ ପର୍ଯ୍ୟନ୍ତ, ସ୍ନାତକ (UG) ଏବଂ ସ୍ନାତକୋତ୍ତର (PG) ଛାତ୍ରଛାତ୍ରୀ ଏହାର ସୁବିଧା ପାଇବେ। ରାଜ୍ୟରେ ପୂର୍ବରୁ ଶ୍ରେଣୀ ୮ ପର୍ଯ୍ୟନ୍ତ ମାଗଣା ଶିକ୍ଷା ଚାଲୁ ଥିବାରୁ ବର୍ତ୍ତମାନ ଏହା KG ରୁ PG ପର୍ଯ୍ୟନ୍ତ ବିସ୍ତାରିତ ହେବ। ତେବେ ନିଜସ୍ୱ ପାଣ୍ଠି  ରେ  ବେସରକାରୀ ଅନୁଦାନବିହୀନ, PPP ମୋଡ୍‌ର ସଂସ୍ଥା ଏବଂ ବୃତ୍ତିଗତ କିମ୍ବା ବୈଷୟିକ ପାଠ୍ୟକ୍ରମର ଛାତ୍ରଛାତ୍ରୀମାନେ ଏହି...

             ନିଷ୍କାସନ, ସଫେଇ ବ୍ୟବସ୍ଥା ସୁଦୃଢ କରିବ ସେନସର। ଅବରୋଧ ସୃଷ୍ଟି ସ୍ଥାନର ତଥ୍ୟ ଦେବା ସହିତ ନିୟମିତ ନିରୀକ୍ଷଣ ସହଜ ହେବ। ଖାଦ୍ୟ ଅବଶିଷ୍ଟ, କୃଷି ବର୍ଜ୍ୟ ଓ ବଗିଚାର ଜୈବ ବର୍ଜ୍ୟକୁ ପ୍ରକ୍ରିୟାକରଣ କରି ବାୟୋଗ୍ୟାସ୍ ଏବଂ ଜୈବ ସାର ପରି ଉପଯୋଗୀ ସାମଗ୍ରୀରେ ପରିଣତ କରାଯିବ। ଭୁବନେଶ୍ୱରର ପ୍ରମୁଖ ଡ୍ରେନ୍‌ରେ ଲାଗିବ ସେନ୍ସର, ଡ୍ରେନ୍ ସଫେଇ ଓ ଜଳନିଷ୍କାସନ ବ୍ୟବସ୍ଥା ହେବ ଅଧିକ ସୁଦୃଢ଼ ଭୁବନେଶ୍ୱର: ବର୍ଷା ଋତୁରେ ଜଳବନ୍ଦୀ ସମସ୍ୟାକୁ କମାଇବା ଏବଂ ଡ୍ରେନ୍‌ ସଫେଇ (ଡି-ସିଲ୍ଟିଂ) କାର୍ଯ୍ୟକୁ ଅଧିକ କାର୍ଯ୍ୟକ୍ଷମ କରିବା ପାଇଁ ଭୁବନେଶ୍ୱର ମହାନଗର ନିଗମ (BMC) ସହରର ପ୍ରମୁଖ ଡ୍ରେନ୍‌ଗୁଡ଼ିକରେ ଆଧୁନିକ ସେନ୍ସର ସ୍ଥାପନ କରିବାକୁ ଯୋଜନା କରିଛି।   ପ୍ରକାଶିତ ରିପୋର୍ଟ ଆଧାରରେ ଏହି ସେନ୍ସରଗୁଡ଼ିକ ଡ୍ରେନ୍‌ ଭିତରେ କେତେ ପରିମାଣରେ ପଙ୍କ (ସିଲ୍ଟ) ଜମିଛି ଏବଂ କେଉଁଠାରେ ଅବରୋଧ ସୃଷ୍ଟି ହୋଇଛି, ତାହାର ସଠିକ୍ ତଥ୍ୟ ଦେବ। ଫଳରେ ଡ୍ରେନ୍‌ ସଫେଇ କାମର ନିୟମିତ ନିରୀକ୍ଷଣ କରିବା ସହଜ ହେବ ଏବଂ ଜଳନିଷ୍କାସନ ବ୍ୟବସ୍ଥାକୁ ଅଧିକ ସୁଚାରୁ ଭାବେ ପରିଚାଳନା କରାଯାଇପାରିବ।   ଏହା ସହିତ BMC ସହରରେ ଏକ ଜୈବ ବର୍ଜ୍ୟ ପ୍ରକ୍ରିୟାକରଣ କେନ୍ଦ୍ର ସ୍ଥାପନ କରିବାକୁ ମଧ୍ୟ ନିଷ୍ପତ୍ତି ନେଇଛି। ଏହି କେନ୍ଦ୍ରରେ ଖାଦ୍ୟ ଅବଶିଷ୍ଟ, କୃଷି ବର୍ଜ୍...