ପାରାଦୀପ ବନ୍ଦରରେ ୧୨.୧୮ କୋଟି ଟଙ୍କା ବ୍ୟୟରେ ନବୀକୃତ ପ୍ରଶାସନିକ ଭବନ ଉଦ୍ଘାଟନ ସହ ବୃକ୍ଷରୋପଣ କଲେ କେନ୍ଦ୍ରମନ୍ତ୍ରୀ ସର୍ବାନନ୍ଦ ସୋନୱାଲ।
Published by: Greatfuture Info
ପାରାଦୀପ, ୨୧/୮: ପାରାଦୀପ ବନ୍ଦରରେ ନବୀକୃତ ପ୍ରଶାସନିକ କାର୍ଯ୍ୟାଳୟ ଭବନର ଉଦ୍ଘାଟନ କରିଛନ୍ତି କେନ୍ଦ୍ର ବନ୍ଦର, ଜାହାଜ ଚଳାଚଳ ଓ ଜଳପଥ ମନ୍ତ୍ରୀ ସର୍ବାନନ୍ଦ ସୋନୱାଲ। ପ୍ରାୟ ୧୨ କୋଟି ୧୮ ଲକ୍ଷ ଟଙ୍କା ବ୍ୟୟରେ ଭବନର ଆଧୁନିକୀକରଣ କରାଯାଇଛି। ନବୀକରଣ ଦ୍ୱାରା କାର୍ଯ୍ୟାଳୟର କାର୍ଯ୍ୟକ୍ଷମତା ସହ ଯାତାୟାତ ଓ ଆଭ୍ୟନ୍ତରୀଣ ବ୍ୟବସ୍ଥା ଅଧିକ ସୁଗମ ହେବ। ଏହା ଆଧୁନିକ ଓ ସ୍ମାର୍ଟ ବନ୍ଦର ଭିତ୍ତିଭୂମି ବିକାଶ ଦିଗରେ ଏକ ପ୍ରମୁଖ ପଦକ୍ଷେପ ବୋଲି ଶ୍ରୀ ସୋନୱାଲ କହିଛନ୍ତି।
ଏହି ଅବସରରେ ସେ ମାରିଟାଇମ୍ ଷ୍ଟଡିଜ୍ ସେଣ୍ଟର ଅଫ୍ ଏକ୍ସିଲେନ୍ସରେ ପ୍ରଶିକ୍ଷଣ ନେଇଥିବା ଛାତ୍ରଛାତ୍ରୀଙ୍କ ସହ ଆଲୋଚନା କରି ଦକ୍ଷତା ବିକାଶ, ଶିଳ୍ପଭିତ୍ତିକ ପ୍ରଶିକ୍ଷଣ ଓ ମାରିଟାଇମ୍ କ୍ଷେତ୍ରରେ ଯୁବପିଢ଼ିଙ୍କ ପାଇଁ ରହିଥିବା ରୋଜଗାର ସୁଯୋଗ ଉପରେ ଗୁରୁତ୍ୱାରୋପ କରିଛନ୍ତି। ଏଥିସହ ବନ୍ଦରର ଗେଟ୍ ନମ୍ବର-୩ ସମ୍ମୁଖରେ ୧୦ ଲକ୍ଷତମ ବୃକ୍ଷରୋପଣ କରାଯାଇଛି।
Source: PB-SHABD
Comments
Post a Comment